Siemen: Ja et is mooi weer om bij de kachel te zitten en n aarfenisje te verdelen, mor buten kin je niet weden. En ik heb gien sokken meer op-e-pennen. Menno: Dat dee me ok nijs astoe sokken breien zolst. Dut dien olde moeke ien e Wierde dat niet veur dij? Siemen: Moeke het dat hielmoal niet aan tied! Ien ee Wierde is elke dag wel wat te doen, ze hemmen et smorende drok met kovvie drinken en al et vertier wat ze doar veur e bewoners organiseren. Met old-en-nij was ik doar en kreeg zat oliebollen en nog n mooi verhoal over nijjoarsroltjes toe. Menno: Aan anner kaant moet je mor zo lang as et kin thuus blieven wonen. Aaigen boas en aaigen huus boven alles!Siemen: Hoe vonst dat verhoal lest van Willem Kloppenburg over e Lauwers. Et dee me nijs dat er zo veul volk op òf kwam. Menno: Ach et meeste wiet je wel zo’n bietje, mor het was mooi om et te zien met alle ploatjes en anecdotes. Hij wist er hiel wat van.. Siemen: Ja en dit joar weer een ‘Dag van de Lauwers’. Benijd wat ze veur 14 september op et programma hemmen. Menno: Ik kiek er wel noar uut en bin slim benijd. Ient dörpshuus is opt ogenblik voak wat te doen. Ik heb lezen dat er weer een playbackshow kommen zol, mot dat die bij gebrek aan deelnoame òflast is. Siemen: Ach nee, doar keek ik zo noar uut. Wat wadden dat altied mooie oamends. Bij ons ien huus was het ok altied een drokte van woar kom je weg. Gelukkeg zitten we oppe ruumte en hadden e buren der gien last van. De meziek ston wel es op standje burenruzie, moar dat hinderde niks. Menno: Bij jim ien huus werd voak oefend? Siemen: Ja jong, ontiegelijk gezellig en alle oamends een bult jeugd over de vloer. Wie der n hekel aan har... , de hond. Dat arme beest werd heurendol van dat lewaai. Menno: Wiest doe nog dat Ploatselek Belang vroeger altied een wedstriedje ien dörp had wel e hoogste zunnebloem en e dikste voerbiet har? Siemen: Nou meskien kinnen ze dat wel weer es oppakken. Ik las op e Pieterziel-app n oproep veur enthousiaste tuuntjeminsen. Der is nog wat perceeltjegrond over en dat was nou ja krekt wat om doar je geluk es te beproeven. Menno: Zil we eerst es eemen zien offe koffie kloar is? Doar hek et wel aan toe. Siemen: Aans ik wel!!