Menno en Siemen binnen drok op et laand bezig. Der wordt zaaid en poot. Het is de tied derveur Onner t koffiedrinken nimmen ze het weekend nog eemen deur.
Siemen: Dien zoaterdagoavend was niet best denk ik. Wast op tied weer thuus.
Menno: Hol der moar over op! Wat weer een oafgang. 18 minuten hemmen we genoten van de FC en ze speulden een mooi potje voetbal. Mor dan i-der zo’n kloothommel die zo neudeg met een beker bier de grensrechter moet bekogelen. Volgend seizoen moar op vrijdagoavend hinne moar KeukenKampioenDivisie.
Siemen: Niet best. Gijst op keuningsdag ok nog noar het dörpshuus veur een oranjebittertje en een patatje? Mien vrouw en ik goan al eemen hinne. ‘s Mörgens goan we noar Gruupskerk oppe markt kieken. Veural minsen kieken, die markt stelt niet zoveul veur.
Menno: Wij wieten nog niet wat we doen. Ok weer Vrijmarkt ien Zuudhörn en aans mot weer es een keer kieken op de singels ien Stad. Minsen hemmen drie joar spul opspoard moest mor reeknen.
Siemen: Zo ist et mor net. Je wieten nooit wat je tegen kommen. Ik zuuk nog noar n exemploar van et ‘Boerderijenboek Grijpskerk’ en ik kin ok nog wel een waarkende Video-8-camera bruken. Mien olde filmkes moeten over noar de computer. Sums loop je de zo mot tegen aan.
Menno: As et weer mor wat met zit. Drokke doagen voak en ankommend zoaterdag goan we al met e 50-plus noar et Museumplein ien Groodegast. Doar binnen 3 museums bijnanner: een Drukkerijmuseum, Legomuseum en het victorymuseum.
De 50+ organiseert het en ok ast gien lid bist, kinst dizze keer met op reis. We kriegen dêr een rondleiding, een kopke koffie met een lekker stuk appelgebak. We goan om één uur vot.
Siemen: Dat liekt me wel wat. Volgens mij hemmen wij zoaterdag niks, dan kinnen ok wel met. Ik kom jim wel thuus oppikken dan kinnen we met zien vieren rieden